NEARTÚ
NEARTÚ: Líonra tacaíochta le heolas ar áiseanna rochtana ABAIR, cuidiú lena n-úsáid, agus féidearthachta do phiarghrúpaí bainteach le míchumas faoi leith. Tá fáilte roimh dhaoine faoi mhíchumas, thuismitheoirí, chúramóirí, mhúinteoirí agus theiripeoirí.
Ár n-uirlisí inrochtaineachta
Caith súil ar na háiseanna r Gaeilge atá deartha againn chun tacú le hinrochtaineacht agus le cuimsiú don phobal míchumais.
Léitheoir Scáileáin + Braille
Is breiseán in-íoslódáilte don léitheoir scáileáin NVDA é An Léitheoir Scáileáin. Tacaítear leis na daoine a bhfuil lagú radhairc acu le léamh na dtéacsanna Gaeilge ar scáileán ríomhaire os ard. Tá guthanna sintéiseacha na dtrí mhórchanúint ar fáil don tseirbhís seo faoi láthair.
Bain triail as
Guthanna: Áiseanna seachtracha
Feidhmíonn na guthanna SAPI 5 32bit ar Windows 10 agus 11. Cuirtear na guthanna i láthair le húsáid na hintleachta saorgha is deireanaí, teicneolaíocht a chuireann fuaimeanna nádúrtha agus scoth na freagúlachta ar fáil.
Bain triail as
Geabaire – Córas AAC
Dearadh an córas cumarsáide nua Geabaire i nGaeilge chun freastal orthu siúd a mbíonn deacrachtaí cainte acu. Tugann an gléas deis d’úsáideoirí abairtí a chumadh bunaithe ar íomhánna agus ar fhocail atá ar an táibléad. Léitear an abairt os ard ag baint úsáid as guthanna sintéiseacha Gaeilge. Chomhoibrigh daoine a bhfuil uathas orthu, tuismitheoirí, múinteoirí, agus teiripeoirí urlabhra agus teanga ar dhearadh an tionscadail chun freastal ar riachtanais na n-úsáideoirí. Cuireann Geabaire comhionannas oideachais agus cuimsiú cultúrtha chun cinn, de bharr rochtain ar leagan Gaeilge agus ar leagan Béarla AAC ar aon.
Bain triail as
Léitheoir Gréasáin
Is bogearra léitheoir gréasáin é an gléas seo a léann téacs atá ar leathanach gréasáin os ard. Aibhsítear an téacs in éineacht leis na focail atá léite os ard chun an t-úsáideoir a threorú tríd an téacs. Tá foclóir Gaeilge-Béarla ar fáil ann freisin. D’fhéadfaí léitheoir ABAIR a chur i bhfeidhm go héasca, ar shuíomh ar bith.
Bain triail as
Deachtú
Cuireann ár dteicneolaíocht ard-aitheanta cainte an uirlis deachtaithe Gaeilge ar fáil. Déantar téacs scríofa cruinn de Ghaeilge labhartha ar bhonn láithreach.
Bain triail as
Fotheidil
Is uirlis ghairmiúil í Fotheidil. Dearadh í chun fotheidil chruinne Gaeilge a ghiniúint as ábhar fuaime, le húsáid na teicneolaíochta aitheanta cainte.
Bain triail as
COMHRÁ
D’fhéadfaí dul i mbun cainte le samhail teanga mhór le gléas COMHRÁ ó bhéal amháin. Labhraíonn an t-úsáideoir Gaeilge leis an ngléas, agus freagraítear an t-úsáideoir in urlabhra nádúrtha. Ní gá clóscríobh ná léamh sa ghléas. Cabhraítear le húsáid lámhshaor agus cuirtear AI comhráiteach inrochtana ar fáil.
Bain triail as
Fóram an phobail
Bí lárnach i bplé an phobail, roinn do chuid taithí, agus ceangail le daoine eile ar an bhfóram Reddit.
Tar ar eolas n-ábhar seo a leanas ar an bhfóram:
- Dátheangachas agus an Ghaeilge
- Teiripe Cainte agus Urlabhra
- Áis Cumarsáide Cúnta (ACC)
- Litearthacht
- Lagú Radhairc
- Míchumas Fisiciúil
An t-eolas is déanaí as r/AbairNEARTU
Coinnigh ar an eolas
Faigh nuashonruithe faoi chruinnithe, acmhainní, agus nuacht an phobail díreach chuig do bhosca isteach.
